Que é a Hora de Ler?

Van alá máis de 10 anos desde que comezamos coa Hora de Ler no Brea Segade e a esencia e os fundamentos non cambian: ler por pracer, gozar coa lectura! 

Hora de Ler 2022-2023

Estamos de volta! A BBS aínda non abre as súas portas, pero xa empezaron a pasar cousas interesantes... Todas as clases pasaron pola biblioteca para recoller as caixas con libros, que preparou o equipo da BBS para Hora de Ler. E venres tivemos o primeiro tempo de lectura deste curso. 😍

Silencio, estamos lendo...!

Día do Libro: libros ao patio

Hoxe , na Hora de Ler, cada clase veu o vídeo A música das palabras e despois sacamos os nosos libros ao patio e lemos. O día non nos acompañou, pero aínda así, enchemos os espazos cubertos de libros e lecturas. 

Hora de Ler en 5º

 Na aula de 5º están lendo o seu itinerario lector na Hora de Ler e despois do primeiro título, A marabillosa medicina de George, de Roald Dahl elaboraron libros con lapelas sobre el. Fantástico traballo, 5º!

Lendo na plataforma ELBE2

Esta semana a clase de 6º comezou a usar a Plataforma de Lectura Dixital ELBE.2 na Hora de Ler . Algúns xa a descubriron e utilizaron en 5º durante o confinamento, pero agora pasa a ser unha das opcións de lectura tamén na Hora de Ler.

Así o contan no seu blog de aula.

A Hora de Ler no Brea Segade

Hora de Ler: comezamos!

O xoves comezamos coa Hora de Ler á volta do recreo. Antes, cada curso baixou á entrada da biblioteca a recoller unha caixa de lecturas para as bibliotecas de aula. 

Boas lecturas para tod@s neste curso que comeza!

Día de Rosalía

O 28 de febreiro celebramos no cole o Día de Rosalía. Ao longo da semana lemos nas aulas unha escolma dos seus poemas relacionados co tema do noso PDI deste curso, a alimentación. Traballamos sobre a proposta da Asociación de Escritoras/es en Lingua Galega: Do XIX ao XXI libre o meu pensamento e descubrimos que a fame, a pobreza, a inxustiza social están presentes nos poemas de Rosalía ao igual que están presente na nosa sociedade. Lemos tamén poemas que falaban da nosa gastronomía, dos nosos pratos máis típicos. O xoves na Hora de Ler lemos a Rosalía tod@s xunt@s.

Primeiro: Vamos bebendo!

Segundo: Has de cantar

Terceiro: Tecín soa a miña tea

Cuarto: Castellanos de Castela e Pra Habana

Engadir título

Engadir título

Quinto: Xan

Sexto: A pobriña que está xorda

As clases de 5º e 6º interpretaron para nós unha peza que están preparando para o festival das Letras, un poema de Helena Villar Janeiro musicado: poesía e música, poesía escrita por mulleres de diferentes épocas con inquedanzas similares... Poéticas diversas.

Fermosísimo tema e fermosísima interpretación!

Máis lecturas compartidas

Hoxe Lara e Nerea, que levan unha semana de moito conto 😉, estiveron en Primeiro, na Hora de Ler, contándolles Croco. Os axudantes e axudantas da BBS seguirán compartindo lecturas no segundo trimestre, agora que lle colleron o gusto.

Moi ben, contadoras!