Encontros do Plan de Mellora de Bibliotecas Escolares 2020-2021

 

Hoxe comezan os encontros das bibliotecas do Plan de Mellora das Bibliotecas escolares, dúas tardes para aprender, compartir, recoller ideas e recargar a ilusión e a razón, e poder seguir avanzando nos nosos proxectos de biblioteca. Un ano máis, a Asesoría de Bibliotecas Escolares ofértanos uns encontros que nos ilusionan pola temática das charlas, pola calidade dos relatores/as  e pola posibilidade de coñecer as experiencias das bibliotecas do Plambe.

A BBS participará mañá venres nunha das sesións, compartindo a experiencia da Hora de Ler no noso colexio. 

PROGRAMA

Abril: Na BBS tod@s contamos

 

Quen nos ía dicir que en abril do 2021 volveriamos a pedir colaboración virtual para os contacontos do recreo? Oxalá puideramos compartir contos coas familias na BBS, pero mentres chega o día, seguiremos convidándovos a colaborar con nós desde as casas e a gozar da lectura en familia. Animádevos!

Escoitar para aprender

Empezamos a traballar cos podcasts As mulleres facemos de todo. Extraemos información de cada entrevista por medio dunha ficha, despois teremos que seguir investigando e ampliando a información, pero o punto de partida é o que nos contaron as mulleres que están ao noso carón.

Mochilas Viaxeiras 11

 Esta semana saíron de novo as Mochilas Viaxeiras en 3º, 4º e 6º. Pouco a pouco as Mochilas dalgúns cursos xa van ir rematando as súas viaxes, pero tranquilos, mentres non cheguen a todas as casas continuarán viaxando.

Queremos un monte limpo!!

 Moita xente está achegándose a Campo Maneiro a coñecer ás cabuxas e a Michel, iso está moi ben, pero o que non está para nada ben e que veñan coas merendas e deixen a zona toda chea de lixo. Si, parece incrible, pero é certo, empezaron a aparecer: botes de iogures de beber, latas, botellas, plásticos, cabichas... por diante das parcelas das cabuxas e ata dentro; vese que alguén tivo a idea de guindalas por riba do enreixado. Que xente máis porca! 

Igual hai que lembrarlle aos maiores algunhas cousas, xa que parece que non todos saben andar polo mundo. Estes días estivemos preparando carteis que colocaremos a semana que vén nas zonas máis afectadas, e no cole seguiremos traballando sobre desenvolvemento sostible e compromiso co medio natural, porque sabemos que queda moito por facer.

No blog de Sexto podedes ver máis carteis e información sobre este tema.

Xeografías lectoras: recunchos de lectura 10

As Mochilas Viaxeiras tamén voltaron das vacacións de Pascua e con elas chegaron novas imaxes dos vosos recunchos lectores e as vosas lecturas favoritas. Que boas vacacións pasaron as Mochilas! 😉

Grazas a Antía, Xoana e Lucía e ás vosas familias por compartir coa BBS os vosos espazos favoritos para ler.

Letras Galegas 2021: Xela Arias

 

Como cada ano, desde a BBS creamos unha páxina na    que enlazamos recursos e materiais para descubrir, nas aulas e nas casas, a vida e a obra da escritora homenaxeada nas Letras Galegas. Este ano as Letras teñen nome de muller: Xela Arias. Convidámosmos a explorar estes materiais para coñecer á poeta, tradutora, editora e profesora Xela Arias.

No menú da man dereita tedes esta ilustración de Xela, que vos levará directamente aos recursos e materiais que xa se foron publicando e que continuaremos engadindo a medida que vaian aparecendo.

VI Xornadas de Innovación Educativa Rural

Mañá celébranse as VI Xornadas de Innovación Educativa Rural organizadas pola Facultade de Ciencias da Educación da Universidade de Santiago de Compostela. Nelas José Luis presentará o Cancioneiro Escolar Urxente e o traballo ao redor da tradición oral e musical do noso municipio, que estamos a desenvolver no colexio.

Tamén participarán nas Xornadas dúas compañeiras do CRA de Rianxo, presentando a súa experiencia con Aulas Multigrao.

As mulleres facemos de todo: Noa, Carmen e Ángeles

Noa, de 6º, entrevista á súa nai Carmen e á súa avoa Ángeles, que son peixeiras. 

Para escoitalas preme no enlace.  

Noa, Carmen e Ángeles.

As mulleres facemos de todo: Dália e Aurelia

Dália, de 6º, entrevista á súa amiga Aurelia, que é traballadora da conserva.

Para escoitalas preme no enlace.  

Dália e Aurelia.

As mulleres facemos de todo: Nerea e Martina

Nerea, de 6º, entrevista á súa amiga Martina, que é gandeira. 

Para escoitalas preme no enlace.  

Nerea e Martina.

As mulleres facemos de todo: Manuel e María

Manuel, de 1º, entrevista á súa avoa María, foi mariscadora e traballou nas leiras. 

Para escoitalos preme no enlace.  

Manuel e María.

As mulleres facemos de todo: Rita e Josefina

Rita, de 6º, entrevista á súa avoa Josefina, que nos fala do seu traballo nunha fábrica de madeira. 

Para escoitalas preme no enlace.  

Rita e Josefina.

A Música das Palabras

Cando lemos, á nosa mente médranlle ás.
Cando escribimos, os nosos dedos cantan.

As palabras son golpes de tambor e frautas na páxina,
paxaros voadores e elefantes trompeteiros,
ríos que flúen, fervenzas que caen,
bolboretas que viran
alto no ceo!

As palabras convídannos a bailar
ritmos, rimas, latexos do corazón,
cascos e bater de ás, contos antigos e novos,
fantasías e verdades.

Esteas cómodo na casa
ou atravesando veloz as fronteiras cara unha nova terra
e unha lingua estraña, as historias e poemas
perténcente.

Cando compartimos palabras, as nosas voces
vólvense música do futuro,
paz, alegría e amizade,
unha melodía
de esperanza.

Escrito por Margarita Engle
Ilustrado por Roger Mello
Traducido por María Canosa

 

Como cada 2 de abril, coincidindo coa data de nacemento de Hans Christian Andersen, o IBBY (International Board on Books for young people) convídanos a celebrar o Día do Libro Infantil. O obxectivo desta celebración é promocionar os bos libros infantís e xuvenís e a lectura entre os máis novos/as.  

Cada ano un país diferente escolle a un escritor/a e un ilustrador/a para elaborar unha mensaxe que se difunde en todo o mundo. No 2021 EEUU escolleu o tema, a escritora Margarite Engle e o ilustrador Roger Mello.  

Gálix, A Asociación Galega do Libro Infantil e xuvenil, encárgase da difusión da mensaxe en galego grazas á tradución da escritora María Canosa. 

 

Mensaxe e cartel.

 

As mulleres facemos de todo: Minia e Josefina

Minia, de 3º, entrevista á súa avoa Josefina, que nos fala do seu traballo nunha fábrica de conservas. 

Para escoitalas preme no enlace.  

Minia e Josefina.

As mulleres facemos de todo: Diego e Carmen

Diego Ferreira, de 6º, entrevista á súa avoa Carmen, que foi mariñeira e bateeira. 

Para escoitalos preme no enlace.  

Diego e Carmen.

2 de abril: Día Internacional do Libro Infantil

 Feliz Día do Libro Infantil!

As mulleres facemos de todo: Iker e Elvira

Iker, de 5º, entrevista á súa avoa Elvira, que traballou na fábrica de conservas e nas leiras. 

Para escoitalos preme no enlace.  

Iker e Elvira.

As mulleres facemos de todo: Claudia e a súa avoa

Claudia, de 4º, entrevista á súa avoa, que foi mariscadora, mariñeira e traballou nas leiras. 

Para escoitalas preme no enlace.  

Claudia e a súa avoa.

As mulleres facemos de todo: Breogán e Ermitas

Breogán, de 3º, entrevista á súa avoa Ermitas, que é bateeira.

Para escoitalos preme no enlace.  

Breogán e Ermitas.