Proxecto Bubisher: Gonzalo Moure e "El niño de luz de plata"

Mañá teremos o agardado encontro con Gonzalo Moure, tras a lectura da obra "El niño de luz de plata", creación do Taller de lectura de Farsía, en Smara, e coordinada polo escritor. Compartimos un dos materiais cos que o alumnado de 3º, 4º , 5º e 6º preparou este encontro, un tríptico sobre Gonzalo Moure. 

Día Escolar pola Non Violencia e a Paz: Que é un refuxiado?

El niño de luz de plata

Seguimos descubrindo a importancia que o Proxecto Bubisher ten para os campos de refuxiados saharauís e coñecendo mellor algunhas das súas iniciativas. Nestas semanas todas as aulas do colexio estamos lendo unha historia moi especial, El niño de luz de plata, escrita por nenos e nenas do Taller de lectura de Farsía en Smara. É un dos libros Bubisher, que xa forma parte dos itinerarios lectores da BBS e que nos achega a unha realidade diferente á nosa, a través dos ollos dos nenos e as nenas saharauís, que teceron unha historia fermosa, chea de imaxinación, sabiduría e sensibilidade. 

El niño de luz de plata seguirá dándonos que falar, escribir, debuxar.. nestas semanas e tamén nos dará algunha sorpresa. 😊

El niño de luz de plata no blog de 5º.

Lecturas pola Paz: Un barco no ceo

Rematamos a semana coa lectura pola Paz dos nenos e nenas de Primeiro: Un barco no ceo de Quentin Blake. Eles poñen o broche de ouro a unha semana de lecturas e creacións compartidas. 

Embarcaremos con eles/as para seguir construíndo un mundo mellor. 

Lecturas pola Paz: Wangari e as árbores da Paz

Os nenos e nenas de 3º coñeceron outra historia real, desta vez protagonizada por unha muller africana, Wangari Mathaai, quen recibiu o Premio Nobel da Paz no ano 2004. A súa loita polo desenvolvemento sostible, a democracia e a paz para o seu pobo tiveron un merecido recoñecemento e son un exemplo a seguir.

 

Lecturas pola Paz: Un fermoso ovo branco

A aula de Sexto interpreta Un fermoso ovo branco de Paula Carballeira e Miguel Cerro. 

Plantar cara á inxustiza e á violencia cada día, con cada pequeno xesto, sen perder o sorriso, a risa, a música e a forza da unión e da comunidade.

Lecturas pola Paz: Biblioburro

As nenas e nenos de Cuarto descubriron unha historia real de Colombia, Biblioburro, de Jeanette Winter. 

A cultura e a solidariedade son as mellores ferramentas para loitar contra a violencia e os conflitos e a historia de Luís e os seus Biblioburros son un bo exemplo, ademais dunha fermosa historia sobre o poder dos libros e a lectura.

Lecturas pola Paz: El sueño de Pablo Picasso

A aula de 5º descubriu a figura de Pablo Picasso e os acontecementos que o levaron á creación do Guernica, partindo da lectura de "El sueño de Picasso" de Marta Rivera Forner. 

A arte é unha ferramentas fundamental para denunciar situacións de guerra e inxustiza e para axudarnos a coidar e manter viva a memoria. Coñecer o noso pasado, cos seus erros e os seus acertos, é imprescindible para medrar comprometidos coa Paz e a Non Violencia. 

Lecturas pola Paz: Monstro pequeno di Non!

Os nenos e nenas de 2º len e ilustran Monstro pequeno di NON de Kalle Güettler, Rakel Helmsdal e Áslaug Jónsdóttir. 

Aprender a dicir: Non!, respectar e ser respectados/as é construír a Paz e facer un mundo mellor. 

Lecturas pola Paz: What does Peace mean to you?

 

  

Hoxe é o Día Internacional pola Paz e a Non Violencia. Comezamos a publicar o traballo que cada aula realizou nestas semanas sobre a Paz, partindo dunha lectura proposta desde a BBS. Cada día ao longo desta semana compartiremos un documento audiovisual que recolla o traballo realizado, que foi moito e moi rico. 

Empezamos co vídeo conxunto realizado por todo alumnado do cole na aula de Inglés. A Paz ten moitos significados, tantos que necesitamos os 365 días do ano para construíla e coidala.

Traballo colaborativo para abrir a nosa conmemoración do Día da Paz, imposible comezar mellor!

Lecturas para celebrar o Día da Paz

Estes son os títulos cos que, desde as aulas, estamos a traballar sobre o Día da Paz e da Non Violencia.