Bolsas de lectura de verán

Xornal BBS 24

Grandes viaxeiros e viaxeiras

A aula de 5º investigou sobre grandes viaxeiros e viaxeiras das súas familias, persoas que, por diferentes motivos, visitaron ou viviron en diferentes países do mundo. Houbo moitas sorpresas, recolleron moita información que descoñecían, mesmo de familiares moi próximos. Confirmaron ese dito de que: "en calquera lugar do mundo podes atopar un galego ou unha galega". Finalmente elaboraron libros con lapelas sobre os seus grandes viaxeiros e viaxeiras, que presentaron aos compaleiros/as e expuxeron na entrada da BBS. 

No blog de 5º tedes información sobre cada un dos grandes viaxeiros e viaxeiras. 

Moi ben, rapaces e rapazas de 5º!

Viaxamos polo mundo

Nestas últimas semanas compartimos os traballos realizados nas aulas no marco do PDI deste curso, De viaxe!. A aula de 2º expuxo na biblioteca os libros de viaxe que foron elaborando ao longo do curso. 

Moi ben, viaxeiros e viaxeiras de 2º!

Ler no verán 2022

 

 

Aquí tedes as nosas recomendacións lectoras para o verán, que xa está aí!

Fixemos unha escolma de títulos da BBS que falan de diferentes tipos de viaxes, para continuar afondando e gozando co tema do proxecto deste curso. Son libros que poderedes atopar na biblioteca e levar nas Bolsas de Lectura de Verán, que tal e como pon ao final das recomendacións, poderedes vir coller os días 23, 27 e 28 de xuño pola mañá, acompañados du adulto/a. 

 

Boas lecturas de verán!

2º, 3º e 4º visitan "Máis ca leña"

Esta semana os rapaces e rapazas de 5º e 6º fixeron de guías do proxecto Máis ca leña para os compañeiros de 2º, 3º e 4º. Agora que podemos xuntar grupos, realizamos as primeiras visitas didácticas con nenos/as, que, loxicamente, queriamos que foran co alumnado do Brea Segade. Foi unha experiencia moi interesante tanto para os guías como para os destinatarios. Non temos que ir moi lonxe para aprender un motón sobre o medio natural e para poñer en práctica a oralidade e as capacidades sociais. 

Parabéns, Sexto e Quinto! Sodes uns guías fantásticos/as! 

Parabéns nenos e nenas do Brea, polo interese e 

as ganas de aprender sobre o noso entorno.

Carteis provisionais

Hoxe decoramos un pouco os ocos que deixaron os paneis roubados do Proxecto Máis ca Leña. Sabemos que non van durar, son de cartón, pero aí están, plantando cara aos que non cren no proxecto e no noso monte.

Primeiro no Espazo Argalleiro

Construír, crear, seguir textos instrutivos, colaborar... Primeiro no Espazo Argalleiro da BBS. 

Na busca dun fogar

Este venres, despois de 2 anos e 3 meses, volvemos ter contacontos no recreo 🎉🎉

Icía e Carla contáronos Na busca dun fogar, de Alexis Deacon,  ilustrado por Viviane Schwarz. Na busca dun fogar é  unha historia preciosa, sorprendente e divertida, que ten unhas ilustracións moi coidadas e atractivas. Buscádeo na biblioteca, vaivos gustar.

Foi emocionante volver escoitar contos na BBS, con público de todas as clases, compartindo o noso gusto polas boas historias.

Grazas, Carla e Icía! 

Sodes unhas contadoras fantásticas!

 

5º despídese dos directos do recreo

Hoxe 5º emitiu o seu último directo do recreo da Radio BBS. Carla Rial, Almudena e Héctor elaboraron o programa con algúns dos temas musicais favoritos do alumnado de 5º. Polo que vimos a escolla de temas gustou ben ao resto dos cursos, houbo moitos que bailaron no patio e mesmo na biblio.

Grazas, 5º! 

Continuaremos emitindo nos directos do recreo do curso que vén.