A vaca que puxo un ovo

 

Manuel, Valeria, Xohana, Sofía, Minia e Candela foron as/os contadoras desta semana. Escolleron un conto que nos encanta na BBS: A vaca que puxo un ovo de Andy Cutbill e ademais contárono co Kamishibai. Fantástico!

Sorprendéronnos cuns agasallos moi peculiares, uns ovos de vaca cos que rematamos o conto. Prestou moito!

Bravo!!!
E grazas polos ovos ;-)

Kamishibai: animais de compañía

Este venres Lola, Hugo, Daniela e Diego volveron encher a biblio de animais de compañía, desta vez para os compañeiros e compañeiras de 2º e 3º.
Demostráronos que unha boa historia e un bo formato resisten moi ben o paso do tempo. Aquí tedes á clase de 2º de primaria, hai 5 anos contando Animais de Compañía. 

Que marabilla ver a eses contadores e contadoras de 2º contando historias na BBS en 6º! 

Grazas, Diego, Lola, Daniela e Hugo!

Animais de compañía

Daniela, Diego, Lola, Hugo e Noela trouxéronos os contacontos de volta á biblioteca. Este martes foi un día emocionante na BBS, despois de dous cursos volvemos a compartir lecturas, en modo presencial 😃. 

Escolleron Animais de Compañía de Manuel Lourenzo, un conto que elaboraran e contaran con Kamishibai cando estaban en 2º de Primaria, hai xa catro cursos. Foi un fermoso xeito de retomar unha das actividades que máis nos gustan e que máis botabamos de menos. 

Ao longo desta semana e da seguinte,na Hora de Ler, alumnado de 6º e de 5º compartirá lecturas cos compañeiros e compañeiras de todos os cursos, para despedir o Mes dos Libros e comezar o Mes das Letras. Pouco a pouco imos volvendo á normalidade na BBS... 

Grazas, contadores e contadoras! 

Encantounos escoitar Animais de compañía!

Moi ben, Noela, Diego, Lola, Daniela e Hugo!

Día Escolar pola Non Violencia e a Paz: Que é un refuxiado?

Animais de compañía

O mércores tivemos o último contacontos do 2017. Foi un conto colectivo elaborado e contado con Kamishibai pola clase de 2º, un bo peche de tempada! 

Escolleron Animais de compañía de Manuel Lourenzo, unha historia moi divertida, para xogar coa lingua, inventar palabras e, de paso, pensar como se inventan mentiras e como cambian os contos no boca a boca, ao pasar dunhas persoas a outras.

Noraboa polo traballo nenos e nenas de 2º, e por como contastes o conto. 

Teremos que seguir preparando contos en Kamishibai, son moi chulos!

Anunciando o conto na entrada

Moi ben, artistas!

Para ver a entrada no blogue de 2º pica AQUÍ.