30 de xaneiro de 2023

No Xardín da Memoria

Como cada ano, rematamos os actos do 30 de xaneiro levando cada clase unha nova planta ao Xardín da Memoria. 







Imaxina

Ao rematar o xogo das láminas de Castelao, xuntámonos para escoitar ao alumnado de 5º e 6º interpretar Imaxina de John Lennon e antes, Almudena, Carla Rial e Iván lembráronnos que conmemoramos o 30 de xaneiro. 






Día Escolar pola Non Violencia e a Paz, Día da Ilustración, Día de Castelao

O 30 de xaneiro conmemoramos tres datas importantes que fan referencia á non violencia, a creatividade e o compromiso coa cultura e con Galicia. 

Na Hora de Ler cada neno e nena do colexio recibiu unha peza dun crebacabezas cunha pregunta sobre Castelao.


Coas respostas ás preguntas houbo que buscar aos compañeiros/as que tiñan a mesma pregunta e  pezas do mesmo crebacabezas.



Despois tocou reconstruír a lámina entre todos/as.





E montar a exposición coas láminas de Castelao sobre a guerra, a violencia e a inxustiza. 







27 de xaneiro de 2023

Mochilas Viaxeiras 7

 

Nova viaxe das Mochilas Viaxeiras. Gozade moito de todo o que vai nelas, levades un cachiño da BBS.

A vaca que puxo un ovo

 

Manuel, Valeria, Xohana, Sofía, Minia e Candela foron as/os contadoras desta semana. Escolleron un conto que nos encanta na BBS: A vaca que puxo un ovo de Andy Cutbill e ademais contárono co Kamishibai. Fantástico!






Sorprendéronnos cuns agasallos moi peculiares, uns ovos de vaca cos que rematamos o conto. Prestou moito!


Bravo!!!
E grazas polos ovos ;-)

De viaxe pola arte: Munch

A aula de 3º segue a viaxar polo mundo da arte. Na súa segunda parada descubriron a obra de Edvuard Munch. Compartiron o seu traballo na entrada do cole. Moi bo traballo 3º! Seguide viaxando e compartindo 😍, así aprendemos todos/as. 

24 de xaneiro de 2023

22 de xaneiro de 2023

Imprescindibles na BBS!






Dá gusto, todos os recreos, dá igual o día, temos aos axudantes da BBS colaborando e botando man en todo. 

El abrazo mágico

 


Leire, Xoana, Vera e Carlota foron as contadoras do contacontos do recreo do mércores pasado. Déronnos a receita para os días de mal humor, de enfados, de tristeza... Que xa sabemos que ás veces aparecen eses días aínda que non queiramos.  Contaron "El abrazo mágico" de Fifi Kuo, remataron cun grande abrazo e a todos/as quedounos claro que facer neses días que veñen "do revés". 

Grazas polo conto, polo ben que o interpretastes e polo truco que compartistes con nós. Apertas para tod@s! 😍






Xenial, contadoras!