Este venres todo o colexio participou nunha plantación de árbores autóctonas diante da nova caseta das cabuxas. Organizamos a plantación coa Comunidade de Montes o Fieitoso e o Colectivo Veciñal Fousas ao Monte e contamos coa colaboración do Concello de Rianxo, que fixo os buratos e nos prestou as ferramentas.
Plantamos castiñeiros, cerdeiras bravas e un chopo branco. Tivemos a sorte de que Emilio Saborido estivera con nós coordinando a plantación, explicándonos que facer, axudándonos a distinguir especies, falándonos de monte sostible... Un luxo, coma sempre!
Organizamos dúas quendas, con tres grupos burbulla en cada unha delas, porque o monte e as actividades en natureza non só son os mellores espazos para aprender, se non que tamén son seguros e moi saudables 😍
Grazas á Comunidade de Montes de Taragoña, a Fousas ao Monte,
ao Concello de Rianxo e moi especialmente a Emilio Saborido.
Aproveitamos tamén para visitar a plantación que fixeramos hai uns anos de lado de Campo Maneiro e ver como van medrando as árbores e para ir falando do que atopabamos polo camiño.
 |
| Que boa mañá pasamos! |
