Mes da ciencia en galego: flotación en auga salgada e auga doce

 

Na aula de 5º experimentaron coa flotación e a densidade, descubrindo a importancia salinidade para a flotación dos corpos.Todo isto observando o comportamento de uvas en auga salgada e doce e seguindo o método científico.

Mes da ciencia en galego: clips que flotan

 

Na aula de 5º experimentaron sobre a flotación, a densidade e a tensión superficial. Conseguiron que uns clips flotaran na auga!😃

Mes da ciencia en galego: acción-reacción

No mes de novembro, mes da ciencia en galego nas bibliotecas, propuxemos ás titorías a realización de experimentos, seguindo o método científico, relacionados co PDI deste curso, en concreto cos medios de transporte: propulsión, flotación, densidade... Na clase de 2º conseguiron poñer coches en movemento empregando a propulsión provocada por globos. Aquí os tedes! 

 

Taragoña na historia

Non á violencia machista!

Onte, en todas as aulas, traballamos sobre a violencia de xénero con difererentes materiais e diferentes actividades, pero tod@s rematamos elaborando postais, que hoxe quedaron expostas na entrada do cole. Completamos a proposta de decoración que a ANPA iniciou o martes pasado, coa que queremos poñer de manifesto o rexeitamento de toda a comunidade escolar á violencia machista e o compromiso coa igualdade e a non violencia.

25N

Este martes familias do CEP Brea Segade e do CRA de Rianxo e profes, coordinados por monitores e monitoras do colectivo Avoar, compartiron unha tarde de convivio na que decoraron a entrada do cole, mostrando o compromiso da nosa comunidade escolar contra a violencia de xénero e a aposta pola creación de espazos vivos, que favorezan a convivencia e a creatividade dos nenos e as nenas. Foi unha tarde fermosa, unha resposta sinxela pero contundente ás situacións de violencia que, desgrazadamente, perviven na nosa sociedade. 

Pasaportes de viaxe de 1º

En Primeiro tamén están traballando sobre o Proxecto Documental Integrado deste curso, teñen os seus Pasaportes de Viaxe preparados e os venres, desde a biblio, saen "de viaxe" polo mundo.😍

Documentación para viaxar

Na clase de 2º continúan cos preparativos para emprender viaxe; xa saben que documentación precisan e están a elaborala para cada un deles.😍

Xornada de Bibliotecas Escolares de Galicia 2021

Hoxe, sábado, celébrase en Santiago a Xornada das Biblioteccas Escolares, un día de formación e encontro para o profesorado vencellado ás bibliotecas. Retomamos a presencialidade na formación e tomamos a palabra para falar das nosas biblios, compartir proxectos, ilusionarnos con novas ideas... aprender.  

 

Programa

Mochilas Viaxeiras 3

Saíron de novo!😃

Axudantes da BBS

Son fundamentais para o funcionamento da BBS, non se ven porque seguimos funcionando con grupos burbullas, pero detrás das Mochilas Viaxeiras, dos directos da Radio BBS, da colocación dos libros nos andeis, da decoración da biblio... están os nosos axudantes. Grazas, axudantes da BBS!😍

Emitindo nos recreos

Esta semana os nosos axudantes de 5º e 6º levaron eles sós as emisións da Radio BBS nos recreos de mércores e xoves, e que ben o fixeron! Seguimos aprendendo e aumentando os espazos da Radio BBS, a voz da nosa escola.

De viaxe polo Barbanza 2

As Mochilas volveron á biblio repostar 😉 e trouxéronnos novas propostas de saídas en familia polo Barbanza. Estamos a ter un outono especialmente bo para aproveitar as recomendacións de viaxes que imos recollendo, así que xa sabedes, animádevos!

Moitas grazas Daniela e Alberte polas fotos, que nos meten tantas ganas de ir de excursión! Grazas tamén a Alexandre, Hugo, Izán e Adan polas vosas recomendacións nos Cadernos de Viaxe. 

 

Desta volta os novos lugares propostos foron: 

- O Pozo Bastón no Araño.

- O monte Iroite, para ver as mellores postas de sol do Barbanza. 

 

As nosas entrevistas: Emilio Saborido e Miguel Rial

No marco da súa investigación sobre o monte mancomunado, o alumnado de 5º entrevistou a Emilio Saborido e Miguel Rial, membros da Comunidade de Montes o Fieitoso, para coñecer a realidade do noso monte en mancomún. 

 Entrevista a Emilio Saborido e Miguel Rial.

Monte en mancomún

Retomamos os programas da Radio BBS cun monográfico sobre o monte mancomunado.

O alumnado de Valores Sociais e Cívicos de 5º investigou   sobre este sistema de propiedade, aquí tedes o resultado  do seu traballo.

 O monte mancomunado.