Letras Galegas 2024: Luísa Villalta

A punto de comezar a semana das Letras Galegas compartimos un podcast elaborado polo alumnado de 5º, de Proxecto Competencial, no que nos falan sobre Luísa Villalta, a escritora homenaxeada nas Letras Galegas 2024. 

Premede no enlace para escoitar o podcast:

Luísa Villalta

Radio BBS: Hip Hop

Novo programa da Radio BBS, desta vez elaborado polo alumnado de 5º, como resultado do seu proxecto sobre Hip Hop e rap. Comparten con nós música que escoitaron no transcurso do proxecto e información sobre grupos e intérpretes de hip hop e rap. Foi tanta a información que recolleron e a musica que descubriron, que elaboraron dous podcasts, para poder incluír todos os temas e artistas que lles parecen interesantes.

Premede nos enlaces e dispoñédevos a escoitar bo Hip Hop e rap! A ver se sodes capaces de escoitalos sen bailar! 😉

Hip Hop 1

Hip Hop 2

Xornal BBS 29

Día da Muller e a Nena na Ciencia

Na primeira semana de marzo conmemoramos o Día da Muller, iremos compartindo as actividades que xa estamos a facer no cole desde a semana pasada, pero a muller e o compromiso coa igualdade está presente no noso traballo diario, ao longo de todo o curso. Así o podemos ver no fantástico mural elaborado por Cuarto, como remate do seu proxecto de investigación sobre muller e ciencia. Achegádevos a descubrir o traballo de sete científicas, que non sempre se valoraron como se debera. 

Moi bo traballo, Cuarto!

Escritoras

Na aula de 5º, aproveitando os recursos do proxecto Edixgal, estiveron investigando e preparando presentacións sobre algunhas das escritoras que presentamos na biblioteca o Día das Escritoras 2023. 

Aquí tedes acceso á cartafol virtual coas súas presentacións, sobre algunhas das escritoras máis destacadas da literatura infantil e xuvenil. 

Xornal BBS 28

Chapas de "Sempre dando a nota"

Xa temos as chapas cos logos de "Sempre dando a nota"! Fixemos tres modelos e cada quen fixo a súa. Quedaron moi ben; xa é oficial que sempre, sempre, damos a nota.  É máxico isto de facer as chapas, como nos gusta! 😃

Logos gañadores

 

Parabéns aos creadores/as dos logos gañadores, que en breve converteremos en chapas. 

Parabéns a todo o alumnado do colexio polos incribles deseños que ambientarán a entrada do colexio; todos sodes uns artistas. 

E parabéns aos membros da mesa electoral que fixeron un traballo fantástico. 

Escrutinio e resultado

 Na Hora de Ler  os vogais e a presidenta abriron a urna, levaron a cabo o escrutinio dos votos emitidos e levantaron acta. 

Os resultados foron moi axustados; tal e como pensabamos resultou difícil escoller. 

Votacións

 

Ao longo do recreo, alumnado, profesorado e a nosa conserxe exercemos o dereito ao voto e escollemos o noso logo favorito. E foi ben difícil, todos eran moi bos!

Impresionantes os compañeiros e compañeiras da mesa electoral, moi profesionais. 😍

Constitución da mesa electoral

A primeira hora da mañá Columba repartiu nas clases de 4º, 5º e 6º as cartas nas que se informaba aos membros da mesa electoral que foran seleccionados, por sorteo, e que tiñan que achegarse á biblioteca ás 11:30 para constituír a mesa electoral. Houbo sorpresa e nervios; estas votacións eran das de verdade!

E a mesa quedou constituída, ás 11:50,  por unha presidenta e cinco vogais. Todo listo para comezar coas votacións!

Mañá votamos

Todo listo para votar mañá e escoller o logotipo do proxecto da BBS deste curso "Sempre dando a nota". Vai estar difícil escoller, como xa foi difícil seleccionar nas aulas os logos que representaban a cada grupo. Todos están expostos na entrada e hainos chulísimos. 

Finalistas: