A banda de Vilacendoi

Como xa é tradición, a Biblioteca Brea Segade abriu as súas portas compartindo un conto  e realizando actividades de formación de usuarios e usuarias con todas as titorías.

Este ano escollemos A banda de Vilacendoi de Xulio Gayoso e a BBS encheuse de instrumentos, músicos, músicas, lembranzas e futuro. Que boa escolla para comezar a andaina 2023-2024! 

E como tamén vén sendo tradición, nestas primeiras sesións anunciamos o tema e o lema da biblioteca para este curso.

Sempre dando a nota!

Quentando motores: quinto e cuarto

 Xa estamos tod@s list@s! 

Luns abre a BBS, comezamos a nosa "grande viaxe" polo mundo do coñecemento, a información, a literatura, a imaxinación... Boa viaxe para tod@s!

CUARTO:

QUINTO:

Quentando motores: terceiro e sexto

A grande viaxe de Anna Castagnoli e Gabriel Pacheco é o conto que escollemos para comezar este curso. Como o protagonista, agardamos viaxar coa imaxinación, soñar con descubertas incribles e dar renda solta á nosa creatividade. Para iso precisamos coñecer ben os fondos e recursos que temos na BBS, para poder documentarnos e garantir que a viaxe levará bo rumbo. Nestas primeiras sesións na biblioteca estamos a reencontrarnos coa CDU.

 TERCEIRO

SEXTO

Quentando motores: primeiro e segundo

O luns 3 abrirá oficialmente a BBS, pero nesta semana xa estamos recibindo a todas as clases para retomar o contacto, lembrar normas, servizos, actividades... E falar do proxecto deste curso, que dará continuidade ao traballo sobre viaxes, viaxeiros e viaxeiras do curso pasado. 

PRIMEIRO

SEGUNDO

Terceiro emprende viaxe!

Terceiro tamén está listo para partir! Hoxe, en grupos, fixeron unha busca de libros pola biblioteca seguindo as indicacións de Libriño, a nosa mascota, e de Panchito, o pingüín galego 😉.

Cuarto emprende viaxe!

Os nenos e nenas de Cuarto tamén coñeceron a Panchito e o seu Periplo Atlántico e lembraron como atopar os fondos que buscan na biblioteca usando a CDU ilustrada. List@s para partir!