15 de xaneiro de 2022

El niño de luz de plata

Seguimos descubrindo a importancia que o Proxecto Bubisher ten para os campos de refuxiados saharauís e coñecendo mellor algunhas das súas iniciativas. Nestas semanas todas as aulas do colexio estamos lendo unha historia moi especial, El niño de luz de plata, escrita por nenos e nenas do Taller de lectura de Farsía en Smara. É un dos libros Bubisher, que xa forma parte dos itinerarios lectores da BBS e que nos achega a unha realidade diferente á nosa, a través dos ollos dos nenos e as nenas saharauís, que teceron unha historia fermosa, chea de imaxinación, sabiduría e sensibilidade. 
El niño de luz de plata seguirá dándonos que falar, escribir, debuxar.. nestas semanas e tamén nos dará algunha sorpresa. 😊

El niño de luz de plata no blog de 5º.

14 de xaneiro de 2022

Mochilas Viaxeiras 6

Oa axudantes de 5º revisaron e sortearon as Mochilas Viaxeiras antes de que saíran por primeira vez neste 2022. Que gusto contar con vós, axudantes!
E unha vez listas...as Mochilas Viaxeiras emprenderon viaxe de novo. Boas lecturas!

Directos Radio BBS 2022

Esta semana retomanos os directos do recreo da Radio BBS e ben vimos e escoitamos como os nosos axudantes de 5º e 6º non perderon a práctica nestes días de descanso.Bravo!

Continuamos de viaxe

Co novo trimestre retomamos o traballo sobre o PDI deste curso. En 3º están recollendo as súas viaxes pola Península Ibérica nun mapa que teñen no corredor e en 5º están a investigar sobre os lugares nos que estiveron ou están traballando ou vivindo familiares seus. Estaremos atent@s aos seus proxectos!

11 de xaneiro de 2022

De viaxe polo Barbanza 5

As Mochilas Viaxeiras tamén volveron onte, coma nós! Despois dunha longa estancia nas vosas casas viñeron repostar na BBS antes de saír, o xoves, na primeira viaxe do 2022. 

Os Cadernos de Viaxe chegaron enchidos de comentarios, debuxos e propostas para saídas en familia. Compartimos as propostas en imaxe de Lois e Minia, fantásticas as dúas: 

- A senda do río Té. 

- A ponte do rego de Beluso en Bealo. 

Grazas, Lois, Minia e as vosas familias! 

Grazas a tod@s polas vosas achegas nos Cadernos de Viaxe. 

10 de xaneiro de 2022

De volta!

Estamos de volta! Cargamos ben as baterías nestes días do Nadal, descansamos, despedimos o 2021 e entramos con forza no novo ano. As estreliñas da BBS estiveron nas vosas casas participando da maxia destas datas, agora retomamos os proxectos e o día a día da biblio; temos moito que ler, crear, compartir e gozar. Mans á obra!