30 de xaneiro: no Xardín da Memoria

Non entendemos un mundo mellor sen un compromiso co medio ambiente e coa memoria do noso pasado e as nosas raíces. Como todos os 30 de xaneiro, a última parte do noso acto conxunto consistiu en renovar as plantas do Xardín da Memoria. Cada clase recibiu unha planta identificada cunha pomba 3D e con indicacións sobre as súas características e coidados. Temos a encomenda de coidar da nosa simbólica parcela do planeta, as seis plantas que chegaron hoxe ao Brea Segade. 😍

30 de xaneiro: A canción do cambio

Este 30 de xaneiro xuntámonos na biblioteca para ver e escoitar xuntos unha adaptación do poema de Amanda Gorman A canción do cambio, elaborada polo equipo de biblioteca. Despois destas semanas traballando sobre Castelao e os conflitos actuais, pensamos que a proposta de Amanda Gorman aos nenos e nenas, pedindo que alcedes a voz para conseguir un mundo mellor, era moi acaida. 

Este libro, que podedes atopar na BBS, serviunos tamén para elaborar os marcapáxinas conmemorativos que rematastes na clase personalizándoos e rematando cunha pomba de impresión 3D. 

Feliz, 30 de xaneiro!

Castelao: viñetas pola Paz e a Non Violencia

Tras achegarnos á vida e á obra de Castelao, propuxemos ás aulas traballar sobre viñetas da obra Cousas, máis concretamente Cousas dos Nenos, creando globos que falaran sobre a situación de guerra e conflito que se viven no mundo actual. Coa axuda dos axudantes da BBS, ambientamos a entrada da biblioteca con recortes de prensa que reflectían situacións que se están a dar no mundo no 2024. Foron o punto de partida para incribles diálogos e reflexións, dos que Castelao habería estar ben orgulloso. Aquí vai unha pequena mostra. 

Unha Biblioteca Escolar en Viñetas

 Este é o lema da campaña da Asesoría de Bibliotecas Escolares para este curso. Na BBS decidimos botar a andar a campaña coa nosa proposta de traballo para o 30 de xaneiro, Día de Castelao, Día da Paz e a Non Violencia e Día da Ilustración. E foi un moi bo comezo!

Escritoras

Na aula de 5º, aproveitando os recursos do proxecto Edixgal, estiveron investigando e preparando presentacións sobre algunhas das escritoras que presentamos na biblioteca o Día das Escritoras 2023. 

Aquí tedes acceso á cartafol virtual coas súas presentacións, sobre algunhas das escritoras máis destacadas da literatura infantil e xuvenil. 

Mochilas Viaxeiras 6

Esta semana saíron 9 Mochilas Viaxeiras! As tres clases máis númerosas do colexio comezaron a recibir dúas mochilas, garantindo así que visitarán todas as casas antes de que remate o curso.

Para ler e crear banda deseñada

Castelao

O 30 de xaneiro, ademais do Día Escolar pola Paz e a Non Violencia, celebramos o Día de Castelao e o Día da Ilustración. Castelao representa todos os valores a conmemorar nesa data, polo que, cada ano, realizamos unha nova achega á súa vida e á súa obra. Xa temos na nosa Aula Virtual os recursos cos que a BBS propón que este curso Castelao volva a estar presente nas nosas aulas. 

Os Bolechas teñen medo

Daniela, Minia, Breixo, Vera, Candela, Carlota, Elsa e Leire foron as contadoras/es esta semana, mellor dito as actrices e o actor, porque o que fixeron foi representar unha das historias dos Bolechas, Os Bolechas teñen medo, de Pepe Carreiro. 

Prepararon os textos, a ambientación, os decorados, a vestimenta, o cartel... E esta semana fixeron que tod@s o pasaramos de medo, coa súa interpretación dunha das historias dos Bolechas que máis éxito tivo sempre. Porque os contos de medo, molan 😄 

Bravo!

Mochilas Viaxeiras 2024

 Saíron as primeiras Mochilas Viaxeiras do 2024!

Grazas ao traballo dos axudantes da BBS, que volveron do Nadal cheos de enerxía. 😍

Nas ondas!

 Volveron xa os directos da Radio BBS! Viva!