Día do Libro 2023

2 de abril: As historias son ás

 

Como cada 2 de abril, o IBBY (International Board on Books for Young People) celebra a data de nacemento de Hans Christian Andersen e comparte unha mensaxe e unha ilustración que poñen en valor a literatura infantil.

Este ano o país escollido para elaborar mensaxe e cartel foi Canadá.   Richard Van Camp escribiu a mensaxe e Julie Flett deseñou o cartel.

 

GÁLIX, garante a tradución ao galego, que, nesta ocasión, foi realizada por Mercedes Pacheco.  

 

Mensaxe para os nenos e nenas do mundo.

 

Feliz Día do Libro Infantil!

 

Día do Libro: A música das palabras

 

A Música das Palabras

Cando lemos, á nosa mente médranlle ás.
Cando escribimos, os nosos dedos cantan.

As palabras son golpes de tambor e frautas na páxina,
paxaros voadores e elefantes trompeteiros,
ríos que flúen, fervenzas que caen,
bolboretas que viran
alto no ceo!

As palabras convídannos a bailar
ritmos, rimas, latexos do corazón,
cascos e bater de ás, contos antigos e novos,
fantasías e verdades.

Esteas cómodo na casa
ou atravesando veloz as fronteiras cara unha nova terra
e unha lingua estraña, as historias e poemas
perténcente.

Cando compartimos palabras, as nosas voces
vólvense música do futuro,
paz, alegría e amizade,
unha melodía
de esperanza.

Escrito por Margarita Engle
Traducido por María Canosa

2 de abril: Día Internacional do Libro Infantil

 Feliz Día do Libro Infantil!

O soldadiño de chumbo

Fermosa adaptación audiovisual de O soldadiño de chumbo de Hans Christian Andersen. Un bo día para recuperala e vela... na casa, en familia.


CHUMBO BIBLIOTECA from ISANLLE on Vimeo.

Riciños de Ouro

Estaremos na casa, pero hoxe, 2 de abril, imos ter contacontos.

 Hoxe no recreo: Riciños de Ouro.
Hoxe no recreo: Riciños de Ouro... 

 Escoitádelas? 

Minia e Rita agasalláronos con esta marabilla de conto para que poidamos gozar del no recreo ou en calquera momento do día 😉. 

Facede unha parada, sentádeos comodamente  e escoitádeas. Dá gusto! 

Moitas grazas, contadoras! 

Hans Christian Andersen

Anímate a completar este cuestionario sobre Hans Christian Andersen. Primeiro mira o vídeo sobre a súa vida e a súa obra.

2 de abril

Hoxe é o Día do Libro Infantil e Xuvenil. Celebramos a importancia da literatura infantil no desenvolvemento dos nenos e nenas e o seu papel imprescindible na formación dunha cidadanía culta, sensible, crítica e participativa.
Nestes tempos estraños que estamos a vivir, a literatura infantil está a ser, máis que nunca, refuxio, cómplice, recurso para entender o mundo, vía de escape e fonte de pracer. Celebremos pois, desde as nosas casas, o Día do Libro Infantil e Xuvenil.

Cartel e mensaxe na páxina de Gálix, Asociación Galega do Libro Infantil e Xuvenil.

Por que o 2 de abril? Que pasou nesa data? 

Desde 1967 celébrase o Día do Libro Infantil coincidindo co aniversario do nacemento do escritor danés Hans Christian Andersen. Queres saber quen foi e que escribiu? Mira este vídeo e descubrirás que xa coñecías algunhas das súas obras.

Hans Christian Andersen