Lecturas pola Paz: Monstro pequeno di Non!

Os nenos e nenas de 2º len e ilustran Monstro pequeno di NON de Kalle Güettler, Rakel Helmsdal e Áslaug Jónsdóttir. 

Aprender a dicir: Non!, respectar e ser respectados/as é construír a Paz e facer un mundo mellor. 

Lecturas pola Paz: What does Peace mean to you?

 

  

Hoxe é o Día Internacional pola Paz e a Non Violencia. Comezamos a publicar o traballo que cada aula realizou nestas semanas sobre a Paz, partindo dunha lectura proposta desde a BBS. Cada día ao longo desta semana compartiremos un documento audiovisual que recolla o traballo realizado, que foi moito e moi rico. 

Empezamos co vídeo conxunto realizado por todo alumnado do cole na aula de Inglés. A Paz ten moitos significados, tantos que necesitamos os 365 días do ano para construíla e coidala.

Traballo colaborativo para abrir a nosa conmemoración do Día da Paz, imposible comezar mellor!

Mochilas Viaxeiras 6

 As nosas Mochilas Viaxeiras continúan saíndo cara as vosas casas, non lle teñen medo ao frío, á chuvia nin ao vento ⛈ ☔ 😃 

Boas lecturas en familia para esta fin de semana de inverno.

No noso Xardín da Memoria

Coincidindo coa semana da celebración do Día da Paz, recibimos un agasallo que pasará a enriquecer o noso Xardín da Memoria. O Xardín da Memoria do Brea Segade creouse xa hai uns anos como mostra do noso compromiso diario coa paz e a non violencia.

 

Sabedes o que son?

Pleurotus

Son cogumelos, que produciremos no noso cole 😍 

 

Mirade como medraron nun par de días.

 

Grazas a Chus, da Xardinería Saborido, polo agasallo! 😘😘

Xeografías Lectoras: recunchos de lectura 5

Seguimos descubrindo os vosos recunchos de lectura favoritos e algúns dos libros das mochilas que máis vos gustaron. Dá gusto vervos gozando da lectura nas vosas casas!

Grazas Carla, Sabela, Adrián e Breo por compartilos con nós.

Lecturas para celebrar o Día da Paz

Estes son os títulos cos que, desde as aulas, estamos a traballar sobre o Día da Paz e da Non Violencia.

Mochilas Viaxeiras 5

Primeira viaxe das Mochilas Viaxeiras no 2021! Seguimos compartindo lecturas, música e pelis coas familias, levando un anaquiño da BBS ás vosas casas 😍

Boas lecturas para tod@s!

Volven os directos da Radio BBS

Hoxe foi unha mañá de moito movemento na Radio BBS. Por unha banda Tino rematou coa instalación das placas de escuma para mellorar a acústica do estudo e por outra retomamos os directos no recreos, da man dos Axudantes da BBS.

Recreos na BBS

A biblio xa de novo funcionado a tope: recreos por clases, axudantes, radio BBS en directo... Estamos confinados perimetralmente, pero seguimos moi activos/as 😉

Muíños 3D

Na aula de 6º estiveron preparando deseños para imprimir en 3D, relacionados co PDI deste curso, MonteMar e co Proxecto Ríos. Hoxe comezaron a imprimir un destes deseños, un muíño elaborado por Rita, inspirado nos 55 muíños que chegou ter o río Té. Están quedando así de ben.

Xeografías lectoras: recunchos de lectura 4

De volta do Nadal as Mochilas Viaxeiras trouxéronos imaxes dalgúns dos vosos recunchos de lectura favoritos cos vosos títulos preferidos. Que bos recunchos tedes!😍

Grazas, Elsa, Laura, Minia e Nerea por compartilos con nós. 

De volta!

Estamos de volta! Comezamos en venres, así que foron os de 1º de Primaria os que fixeron a primeira visita do 2021 á BBS.