Para lembrar...

Fixémoslle traballar duro, asinando varios dos seus libros para a BBS e tamén o noso Libro de Visitas. Queremos lembrar ben este encontro 😍

No Auditorio de Rianxo, na expo do LIX

Música e poesía

Así recibimos a Antonio García Teijeiro na BBS, interpretando un dos seus poemas de Poemar o Mar, musicado polo profe de Música e a aula de 4º. 
 

Musicando o mar from Biblioteca Brea Segade on Vimeo.

Antonio García Teijeiro na BBS

Tod@s na biblio, nervios@s, con ganas de coñecelo, repasando mentalmente poemas e cancións... E chegou!

- É moi alto!

- Ten moito pelo!

Antonio García Teijeiro entrou na BBS e durante hora e media engaiolounos a tod@s. Escoitounos recitar e cantar, falounos de como empezara a escribir, da poesía e os nen@s, sacou ao rato Honorato, recitou, fíxonos rir... Transmitiunos o seu amor pola poesía e pola infancia. Encantounos!

Honorato

Atentísim@s!

Poemando o mar

Levou a poesía de Xosé Mª Brea Segade como agasallo

Foi un encontro máxico, cun dos grandes escritores de literatura infantil e un home moi próximo, que se fai querer. Aprendemos a amar a poesía un pouquiño máis.

Grazas, Antonio, por compartir o teu tempo e o teu amor pola poesía con nós!

Grazas, LIX Rianxo, por esta mañá tan fermosa.

Antonio García Teijeiro abre LIX Rianxo

E nós temos a sorte de recibilo mañá na Biblioteca Brea Segade para falar sobre os libros que estivemos lendo e traballando nos últimos meses.  Que ganas de coñecelo!!! 😃

Lendo a Antonio García Teijeiro

Lendo, investigando, recitando, ilustrando, creando... Antonio García Teijeiro poñendo en acción a todo o centro. Esta é a proposta da BBS, o documento no que recolleremos unha pequena parte do traballo realizado estes meses en todas as aulas, de 1º a 6º. Poéticas diversas.

Primeiro

Leer más publicaciones en Calaméo

Sexto

Leer más publicaciones en Calaméo

2º

3º e 4º

5º

Poéticas diversas: Antonio García Teijeiro

Nos meses de marzo e abril traballaremos a obra de Antonio García Teijeiro en todas as clases do colexio. El é un dos escritores fundamentais da literatura infantil galega, destacando especialmente como poeta. É, ademais, o escritor homenaxeado na XX edición do Salón do Libro de Pontevedra. 

Neste curso de Poéticas diversas queremos celebrar o Día da Poesía tal e como nos gusta: escoitando, recitando, ilustrando, cantando, escribindo e, sobre todo, gozando coa poesía.

Feliz día da Poesía!