Hoxe comezamos cos contacontos con colaboración das familias. Parécenos uns dos mellores xeitos de celebrar o Día do Libro, compartindo historias entre nós, coas familias, con toda a comunidade escolar.
Hoxe "debutaron" nos recreos da BBS Nuria e Christian e fíxonos moita ilusión que foran eles, porque este é o seu primeiro ano no Brea Segade e dá gusto velos implicarse e participar en todas as propostas que facemos.
Escolleron un clásico imprescindible, Artur e Clementina de Adela Turín e Nella Bosnia. A historia destas dúas tartarugas fainos pensar sobre as relacións entre os humanos e convídanos a cambiar o mundo, cada día, desde a nosa realidade máis próxima para acabar coas desigualdades, a discriminación e o machismo.
Fermosa historia para compartir un 23 de abril!
Grazas, Nuria e Christian!
 |
| Grazas, Nuria! Grazas, Christian! |
Ningún comentario:
Publicar un comentario