Onte, nesta semana tan literaria, na que non paramos de gozar coa poesía, a música, os contos, a palabra... tivemos a sorte de recibir a
Fina, a avoa de Minia e Rita, para contarnos un conto con Minia. Unha
nova cita de Na BBS tod@s contamos, unha das nosas actividades favoritas.
Fina é unha das grandes colaboradoras do cole, que sempre está disposta a botarnos unha man compartindo a súa experiencia e o seu saber, e volveu facelo, desta vez contando un conto. Ela e Minia, que tamén debutaba como contadora, escolleron O oso e o piano, de David Litchfield. Prepararon carteis, marionetas, a lectura... e o martes fixeron que o pasaramos moi, moi ben compartindo con nós unha historia ben bonita, que fala da importancia da amistade.
 |
| Anunciando o conto na entrada |
 |
| Bravo, contadoras! |
Grazas, Fina! Grazas Minia!
Ningún comentario:
Publicar un comentario