21 de novembro de 2020

Proxecto Ríos: saída ao Té

Este curso comezamos a participar no Proxecto Ríos, promovido por Adega, e que ten como obxectivos divulgar a situación dos nosos ríos, contribuír a incrementar a concienciación ambiental e achegar solucións aos problemas asociados á auga e aos ríos. 

O colexio e a ANPA pasamos a ser responsables do coidado dun treito do río Té e comprometémonos a realizar un mínimo de dúas visitas anuais (primavera e outono) recollendo datos sobre o estado de conservación do río.

Enmarcamos a participación no Proxecto Ríos no desenvolvemento do PDI MonteMar, coordinado pola biblioteca, e  buscamos integrar o coñecemento e coidado do río Té nas actividades de ensino e aprendizaxe deste curso e dos cursos vindeiros.

Este venres os nenos e nenas de 3º e 4º realizaron a súa primeira visita ao Té deste curso. Foi unha saída didáctica, na que recolleron mostras, fixeron medicións, tomaron anotacións... 

Emilio Saborido, presidente da ANPA e coordinador da nosa participación no Proxecto Ríos, foi o encargado de guiar a saída e preparar as actividades que se fixeron no río. 

Canto imos aprender con este proxecto! 

Grazas, Emilio!

















Ningún comentario:

Publicar un comentario