2ª quenda de investigación e tratamento da información

Continuamos investigando e traballando coa información sobre alimentos. Xa temos os primeiros libros con lapelas feitos neste obradoiro. Mirade que bo traballo!

2ª quenda de ciencia divertida

Canto aprendemos e que ben o pasamos en ciencia divertida! Seguimos facendo ciencia cos alimentos.

2ª quenda de stop motion

Continuamos creando cunha das nosas ferramentas favoritas, desta vez traballando con textos e probando a introducir audios.

2ª quenda de impresión 3D e espazo argalleiro

Desta vez ademais de "destripar os misterios" da impresora 3D e os escornabots,  comezamos a crear os nosos propios deseños para imprimir e para xogar cos escornabots. Estamos en proceso, xa vos contaremos...

2ª quenda de cociña

Este venres comezamos coa 2º quenda dos obradoiros deste trimestre: novos grupos, novas actividades e as mesmas ganas de aprender e pasalo ben.

Cociñeiros e cociñeiras do Brea Segade 😍:

 

 

A miña profe é un monstro

Marta, María, Uxía Lojo e Uxía Lorenzo foron as contadoras desta semana. Escolleron unha das novidades que máis ganas tiñamos de presentar:  

A miña profe é un monstro! de Peter Brown.

Con este título e esta ilustración na cuberta imposible non achegarse a abrir o libro. Elas fixérono por nós e fixérono moi ben, son xa unhas expertas! 

Non deixedes pasar este conto, unha boa historia con ilustracións moi divertidas e final sorprendente. Buscádeo na BBS!

 

Moi ben, contadoras!

Plantación 2019

Hai máis de 20 anos a comunidade escolar do CEP Brea Segade fixo unha plantación de árbores autóctonas en Filgueiras, esta semana revivimos a experiencia moi cerquiña de onde xa medran fortes as árbores plantadas daquela.

Foi emocionate ver como se mantén no tempo o compromiso do noso colexio e da comunidade á que pertencemos co noso monte e co medio ambiente. 

Noraboa e grazas a tod@s!

Con Emilio Saborido

Esta semana celebramos no noso colexio o Día da Paz. Tivemos que agardar polo tempo seco, porque a nosa celebración consistiu nunha plantación na baixada de Campo Maneiro cara a Corques, xusto por riba de Filgueiras. 

No cole pensamos que plantar todo@s xuntos árbores autóctonas é unha das mellor maneiras de poñer de manifesto o noso compromiso coa Paz e coa Terra e que para garantir o noso futuro precisamos da non violencia e de intervencións a favor do medio ambiente e do desenvolvemento sostible.

Comezamos a mañá cunhas charlas impartidas por Emilio Saborido, presidente da nosa ANPA, presidente da Comunidade de Montes de Taragoña, membro fundador e moi activo do Colectivo Veciñal Fousas ao Monte, pai de Emilio de 1º e antigo alumno do Brea Segade. Con todos estes méritos, tal e como xa sabiamos, as charlas foron unha pasada, moi interesantes e moi dinámicas. Emilio axudounos a entender porque repoboar con árbores autóctonas é tan importante, cales son as consecuencias do monocultivo e invasión dos eucaliptos e acacias para o noso país, que especies plantar, como plantar... Fomos pasando pola biblioteca en pequenos grupos, para ver e escoitar de cerca e para poder preguntar. Ao rematar estabamos list@s para ir á plantación 💪😀

 Grazas, Emilio, por compartir o teu tempo e o teu saber con nós.

Máis Mochilas Viaxeiras

Aumentamos o número de Mochilas "en viaxe" para asegurar que cheguen a todos/as nas clases máis numerosas. Así que non desesperedes, se aínda non a tivestes...chegará! 😃

Os afortunad@s mochileir@s

E Joel, que non estivo no recreo.

Libriño no Castro Barbudo

Desta vez Libriño quedou ben cerca da escola, nun dos lugares máis fermosos do noso municipio: O Castro Barbudo.

Unha vez máis todos/as resolvestes o reto, ben feito! Alexander e Breogán ademais de resolvelo achegáronse ata alá e quitaron a foto no mesmo lugar que Libriño. Moitas grazas, Breogán e Alexander!