Obradoiros: venres creativos

Como nos prestan as mañás dos venres!😍

8º equipo de axudantes

Con eles rematamos a primeira quenda de todos os equipos que temos este curso. Tiveron que agardar e sabemos que tiñan ganas, pero nesta semana traballaron arreo e compensaron a espera: revisar, sortear e repartir mochilas, repoñer libros nos andeis, levar control do uso dos ordenadores... Outro equipazo de axudantes, e son oito! Que sorte temos na BBS! Agora a continuar traballando, empezamos nova rolda.

Moi ben!

Mochilas de marzo

Pasan os meses e as Mochilas Viaxeiras, pouco a pouco, van chegando a todas as casas. Hoxe saíron de novo, última viaxe do inverno. ⛈

Contos de cabuxas

Hoxe, na Hora de Ler,  algúns dos axudantes da BBS compartiron lecturas cos nenos e nenas de 1º, 2º e  3º. Foron contos moi especiais, contos de cabuxas. Buscamos contos nos que as cabras foran protagonistas ou nos que se falara delas. Atopamos moitos e escollemos tres, para ir comezando: A cabra boba, Os sete cabritiños e A toupiña que quería saber quen lle fixera aquilo na cabeza, que recolle coma ningún a cantidade e calidade de excrementos que as cabuxas soltan, as nosas tamén 😂😂. 

Moi ben, rapaces e rapazas! Xeniais eses contos de 🐐🐐

 

Que chova!

Así de vivos e animados son os recreos na BBS estes días de chuvia.

Cadernos de Viaxe 7

Xa volveron as Mochilas Viaxeiras despois de pasar o Entroido en Taragoña e o Araño. Traen opinións, debuxos e moitas lembranzas e ideas sobre o mar. Seguimos encantadas coa participación e as achegas que nos chegan de cada viaxe.

Grazas a Sabela, Jorge, Froilán, Dani, Carla, Sabela, Rafa e Tiffany e ás vosas familias.

O libro dos porcos

Claudia e Adriana tiñan clarísimo que querían contar O libro dos porcos, de Anthony Browne e, como non, de facelo, tiña que ser nesta semana.
Que ben o fixeron! Prepararon o cartel, practicaron un motón de recreos e algunha Hora de Ler e hoxe, deixáronnos a tod@s marabillad@s. Encántanos este conto e gústanos moito que sexades vós quen o escollades. Nesta semana que estamos a traballar sobre as mulleres, a importancia de poñer en valor e compartir o traballo nas casas e os coidados a grandes e pequenos, O libro dos porcos é unha lectura imprescindible.
Grazas Claudia, grazas Adriana!

Bravo, contadoras

Especial Entroido

Este venres no obradoiro de radio gravaron un especial sobre a celebración do Entroido no colexio.

Escoitádeo aquí, ou premendo no logo da Radio BBS.