Gravando cos móbiles

Na segunda sesión do obradoiro aprendemos a sacarlle partido á cámara de vídeo dos nosos móbiles; continuamos descubrindo trucos e posibilidades.

Lost property

No obradoiro de fotografía e vídeo con móbiles estamos vendo unha curta como remate de cada sesión. Son obras descoñecidas para a maioría dos que asistimos ao obradoiro, que nos están sorprendendo e gustando moito. Compartimos con vós a primeira delas, Lost property, para que tod@s pensemos un pouco sobre o valor da fotografía. 

Lost Property from Asa Lucander on Vimeo.

Día Internaciónal da eliminación da Violencia contra a muller

Rianxo en negro

O noso concello sumouse á campaña "Concellos en negro" para manifestar o compromiso na loita para a eliminación das violencias machistas. Convidáronnos a participar da campaña e non o dubidamos, o noso colexio tamén é un:

Espazo Libre de Violencias Machistas
 

Axudantes. Grupo 6

Paula, Carla, Clara, Alonso e Héctor foron os axudantes esta semana.

Revisaron, sortearon e repartiron mochilas, colocaron libros nos andeis, selaron novidades...

Non pararon e aínda así, despois de ler a letra pequena dos contratos, decidiron asinalos. 

Ben feito!

Tío Lobo

Esta semana no colexio houbo tantas actividades nos recreos que tivemos que cambiar o día do conto. Marta, María, Uxía Lojo e Uxía Lorenzo tiveron que armarse de paciencia e agardar ata venres para contarnos Tío Lobo, unha adapatación de Xosé Ballesteros, dun conto tradicional italiano. 

Pagou a pena agardar porque a historia de Carmela e o lobo é ben diferente de todas as demais historias de lobos; é  moi divertida, ben acaída para este tempo de chulas e larpeiradas con cabazas e castañas e ten un final sorprendente.  Ademais dá gusto escoitar a estas catro contadoras, que nos tiveron enganchad@s ata o final.

Moi ben!

Marcharon!

As Mochilas xa volveron coller camiño, non teñen parada! Só nas vosas casas 😀

2ª viaxe das Mochilas Viaxeiras

As Mochilas continúan chegando ás casas do Araño e Taragoña e vós seguides deixándo constancia de que están a ser moi ben acollidas. Mirade, mirade que ben estiveron con Froilán, Uxía e Hugo! Graciñas!!

Fotografía cos móbiles

Hoxe, con Fran Gómez, empezamos a ver as posibilidades dos móbiles para facer fotografías. Encantounos ver a biblioteca ateigada de familias falando de fotografía e fedellando cos móbiles. Fixemos algúns "descubrimentos" nas cámaras dos nosos móbiles e ata levamos "deberes". Seguiremos fedellando...

Obradoiro de fotografía e vídeo

Comezamos! 

Contín contón

Carla e Helena foron as contadoras desta semana. Escolleron Contín Contón de Antón Cortizas e Leandro Lamas, que narra a historia dun animal que non sabe quen é. Vai preguntando polo bosque a outros animais, e aínda que todos poderían contestarlle e sacalo de dúbidas non o fan, porque se o fixeran remataría o conto. Na BBS o conto rematou, e rematou moi ben, coma sempre que Helena e Carla nos contan unha historia. Se non viñestes e queredes saber quen lle conta que animal é, vide buscar o conto á biblioteca.

Moi ben, contadoras!

Axudantes. Grupo 4

Novo grupo de axudantes que rematou a súa primeira semana de traballo na biblioteca. Desta vez sortearon, revisaron e repartiron Mochilas Viaxeiras, selaron novidades, emprestaron libros para as aulas, repuxeron libros nos andeis...Traballaron duro e ben 😀   E asinaron os seus contratos, claro. 

Ben feito!

Marcharon de novo!

Só unha noite de descanso no cole e de volta ao camiño! Hoxe saíron as Mochilas Viaxeiras na súa segunda viaxe.

1ª Viaxe das Mochilas Viaxeiras

Hoxe chegaron de volta as Mochilas Viaxeiras despois de dúas semanas de "andar polo mundo". Este ano pedímosvos que, ademais de escribir nos Cadernos de Viaxe, nos enviedes, se podedes, foto das Mochilas nas vosas casas, para ver como lles vai 😀

Aquí podedes ver o ben que estiveron as Mochilas nas casas de Abel, Alonso, Irene e Noa durante estas dúas semanas. Graciñas!

 

A cabra boba

Hoxe voltaron os contacontos aos recreos da BBS!

Xa  tiñamos ganas deles e comezamos do mello xeito posible: dúas contadoras de primeira, unha historia divertida e unhas ilustracións moi cómicas. A cabra boba de Pep Bruno e Roger Olmos foi o conto que escolleron Ainara e Clara para abrir a tempada de contacontos. A historia fálanos de Miguel, que, despois de buscala por toda a aldea, atopou a súa cabra subida nun tellado. "Pensará que é un catavento?, ou unha cheminea?, ou quizais un gato?", preguntábase Miguel. Como faría para baixala? Se non viñestesd no recreo buscade o conto na BBS, paga a pena. 

Grazas contadoras, encantounos!

Bravo!

E a ti, que che gusta da BBS? Capítulo III

E aquí vai a terceira e última entrega da gravación que realizamos na semana do Día da Biblioteca. Moitas grazas a tod@s os que participastes, diante e detrás da cámara.

Por 365 Días das Bibliotecas ao ano! 

 

E a ti que che gusta da BBS? Capítulo III from Biblioteca Brea Segade on Vimeo.

E a ti, que che gusta da BBS? Capítulo II

E a ti que che gusta da BBS? Capítulo II from Biblioteca Brea Segade on Vimeo.

Axudantes. Grupo 3

Terceiro grupo de axudantes que pasa pola biblioteca. Desta vez etiquetaron e selaron novidades, prepararon todo para comezar cos contacontos do recreo a semana que vén, repuxeron libros nos andeis e controlaron ordenadores e escornabots. Traballaron duro, outro grupo contratado👌

Contratad@s!

Bo traballo!