Mochilas Viaxeiras 2

O pasado venres comezou a segunda viaxe das Mochilas Viaxeiras. 

Boas lecturas para tod@s!

Reto: lecturas de escritoras

 A aula de sexto xa comezou o reto das lecturas de escritoras que lanzamos no Día das Escritoras e rematará no mes de marzo, coincidindo co Día da Muller. 

Así o recollen no seu blog.

Axudantes de 5º e 6º

Non poden traballar xunt@s, pero complementan o seu traballo e o que fan os de 5º o martes continúano os de 6º o mércores. Colaboración en diferido en tempos de pandemia 😉

Sorteo e revisión de Mochilas Viaxeiras polos axudantes da BBS, despois de pasar a corentena ao vir das casas e antes de volvela pasar para marchar na 2ª viaxe.

Xeografías lectoras: recunchos de lectura

As Mochilas Viaxeiras chegaron de volta da súa primeira viaxe e agora están en corentena. Con elas chegaron tamén imaxes dos recunchos favoritos para ler e as lecturas preferidas de: Anta, Izan, Mateo, Diego, Rita e Dália.

 

Que bos recunchos de lectura!

 

Grazas por compartilos!

Historias que contar

Hoxe na Voz de Galicia:

 Orgullo! 😍 

Que sorte temos no Brea Segade!

Recreos creativos

 Así son os recreos na BBS, cos grupos burbulla aproveitando ao máximo os recursos do Espazo Argalleiro. 

Recuncho de ciencia

Un dos espazos máis demandados nos recreos en burbulla deste curso é o recuncho de ciencia. Desde 1º a 6º, todos os recreos temos un grupo de científicos e científicas usando microscopio, lupa, balanza, recursos de ciencia para a mesa de luz... Novembro é o mes da ciencia en galego, nós agardamos ter un curso enteiro de ciencia en galego. 😉

Embarcacións en 2º

 Na clase de 2º estiveron traballando sobre as embarcacións tradicionais,. dentro do noso PDI Montemar. Nos obradoiros do venres elaboraron libros con lapelas con toda a información que recolleron. Xa son uns expert@ en embarcacións! 😍

Axudantes BBS 2019-2020

Esta semana recibimos os diplomas e agasallos que a Asesoría de Bibliotecas Escolares envía para os axudantes de biblioteca que participan no programa de Voluntariado e bibliotecas. Non puidemos repartilos o curso pasado porque estivemos confinad@s, pero así a sorpresa foi máis grande e os agasallos inesperados. Mirade como os recibiron na clase de sexto.

 

Grazas, Asesoría de Bibliotecas Escolares!

A cociñeira do rei

Comezamos os contacontos, que este curso serán virtuais, para poder velos no recreo, na Hora de Ler, na casa... Non podemos ir á biblioteca todos xunt@, pero si podemos seguir gozando cos contos, coas lecturas dramatizadas, co teatro... E por suposto podemos seguir gozando de ser contadoras e contadores. 

Noa e Nerea son as nosas primeiras contadoras virtuais. Escolleron  A cociñeira do rei de Soledad Felloza e Sandra de la Prada. Un conto moi ben escollido para estes tempos estraños que estamos a vivir, mirade como comeza:

O rei tiña unha pena coma unha nube negra, que non o deixaba pensar. E cando un non pensa, todo sae mal... 

Escoitade a Noa e Nerea, van contarnos a receita para espantar as penas...e as nubes negras. Que boa falta fai!

 

 Bravo, contadoras!