Volveron as Mochilas Viaxeiras da súa 2ª viaxe e deixáronos ver novos recunchos de lectura 😍. Desta vez temos imaxes dos recunchos e lecturas favoritas de Icía, Roi, Alba, Almudena, Lois e Abel.
Estupendos recunchos de lectura!
Grazas por compartilos!
Este ano os encontros de bibliotecas escolares, organizados pola Asesoría de Bibliotecas Escolares de Galicia, celebráronse en rede. Foron diferentes na forma, pero igual que outros encontros no fondo: unha oportunidade única para escoitar a algúns dos maiores expertos/as en bibliotecas, lectura, cultura, innovación e educación de calidade. Volveron ser tamén unha oportunidade de coñecer de primeira man experiencias de bibliotecas escolares galegas.
Como cada ano, a Asesoría ofreceunos un programa interesantísimo, unha formación que reforza o noso convencimento da necesidade de facer das bibliotecas espazos de aprendizaxe creativa e colaborativa e motores da da dinamización cultural nos centros de ensino... tamén en tempos de pandemia. Grazas!
O colexio e a ANPA pasamos a ser responsables do coidado dun treito do río Té e comprometémonos a realizar un mínimo de dúas visitas anuais (primavera e outono) recollendo datos sobre o estado de conservación do río.
Enmarcamos a participación no Proxecto Ríos no desenvolvemento do PDI MonteMar, coordinado pola biblioteca, e buscamos integrar o coñecemento e coidado do río Té nas actividades de ensino e aprendizaxe deste curso e dos cursos vindeiros.
Este venres os nenos e nenas de 3º e 4º realizaron a súa primeira visita ao Té deste curso. Foi unha saída didáctica, na que recolleron mostras, fixeron medicións, tomaron anotacións...
Emilio Saborido, presidente da ANPA e coordinador da nosa participación no Proxecto Ríos, foi o encargado de guiar a saída e preparar as actividades que se fixeron no río.
Canto imos aprender con este proxecto!
Grazas, Emilio!
Os nenos e nenas de 1º e 2º tamén participan no reto de descubrir a escritoras entre os fondos da BBS. Creamos para eles/as un pasaporte especial e este venres a clase de 1º comezou o reto coa lectura colectiva dunha obra de Eva Mejuto.
 |
| Moi ben, 1º ! |
Este xoves, Xerardo e Damián, de Ponte nas Ondas, viñeron facer un obradoiro de radio co alumnado de 5º e 6º. Era unha actividade prevista para o pasado abril, dentro do proxecto Radio na Biblio, pero por mor da pandemia tivemos que adialo ata esta semana.
Foi unha intensa mañá de traballo ao redor da radio. Cada grupo tivo tres sesións de traballo: unha sobre locución, outra sobre gravación e edición de podcasts e unha terceira sobre creación de contidos radiofónicos e emisión en directo. Pagou a pena, aprendemos moito e quedamos con ganas de meternos de cheo na radio e seguir experimentando, creando, gravando, emitindo...
Grazas, Xerardo e Damián, por transmitirnos e contaxiarnos a paixón pola radio.
Traballando a locución de textos:
Edición e creación de podcasts:
En directo:
