Día das bibliotecas 2022: BiblioTEcoida

 

Mañá 24 de outubro é o Día das Bibliotecas, de todas as bibliotecas: escolares, públicas, universitarias... Nós tamén teremos a nosa celebración, aínda que na BBS todos os días do ano son Días da Biblioteca. 

BiblioTEcoida é o lema deste ano. O cartel foi elaborado pola ilustradora e autora de banda deseñada Xulia Vicente, galega de Cariño, que actualmete reside en Valencia. Xulia recolle moi ben a idea de biblioteca para tod@s, que nos acompaña e nos ofrece recursos para medrar e vivir: a biblio que nos coida 😍.

Sintaxe no Brea Segade

Hoxe botou a andar "oficialmente" no Brea Segade o método Sintaxe de aprendizaxe da gramática. Temos a sorte de que estes días van estar con nós Emilio Neira e diferentes persoas do equipo co que creou un método innovador e inclusivo para a aprendizaxe da gramática, que se está empregando con éxito en escolas de Suiza e que o alumnado de 2º e 6º do Brea Segade comezará a utilizar tamén, na nosa lingua. 

Emilio Neira, David Cuence e Xiro estiveron hoxe no Brea Segade para coordinar co profesorado implicado a avaliación inicial, para coñecer ao alumando que participará no proxecto e para que tiveramos unha primeira toma de contacto cos materiais. Emilio, que é antigo alumno do Brea, seguro que aproveitou tamén para lembrar vellos tempos 😉

Comezamos esta nova andaina con ilusión, sabendo o afortunados e afortunadas que somos por poder formar parte desta experiencia e con moitas ganas de aprender, grandes e pequenos/as. 😀

2º equipo de axudantes da BBS

O segundo grupo de axudantes tamén está dando mostras do nivelazo que temos este curso. 😍

Xogar é cousa nosa

 Atentos/as ao proegama de actividades da ANPA do Brea Segade para as vindeiras semanas, moi interesante! Participade!

Mochilas Viaxeiras 2022-2023

Hoxe saíron as primeiras Mochilas Viaxeiras deste curso: 9 mochilas que xa están en casas do Araño e Taragoña, levando unha pequena escolma dos fondos da BBS para compartir en familia. Agardamos que vos gusten moito!

1º equipo de axudantes da BBS

Este martes comezou a funcionar o primeiro dos 5 equipos de axudantes cos que contamos este curso. No primeiro día xa estiveron ben atarefados:  sortearon e anunciaron as Mochilas Viaxeiras e comezaron a emitir os directos do recreo. Bravo!

Axudantes ben identificados/as!

Axudantes da BBS 2022-2023

Equipazo!

Xa temos axudantes da BBS para este curso, 22 rapaces e rapazas de 5º e 6º. 😍

Recreos na BBS

Este ano volvemos ao funcionamento normal da biblioteca, abrimos nos recreos para quen queira vir ler, xogar, debuxar... E mirade que cousas bonitas están a pasar no Espazo Argalleiro. 

Subide a bordo!

A BBS xa está aberta!

Abrimos!

 

Mañá abre as súas portas de novo a BBS! E o martes 4, despois de dous cursos sen poder facelo, abrimos en horario de tarde para as familias. Animádevos a vir, acompañádenos nesta nova viaxe!