Na cociña 2

A escola volveu a arrecender a galletas de nata cun novo grupo de cociñeiros e cociñeiras, que tamén reflexionou sobre a nosa dieta e as propiedades nutritivas dos alimentos.

Nas ondas 2

Novo grupo de redactores/as e locutores/as de radio. Seguimos aprendendo a comunicar oralmente, a planificar e gravar programas de radio, traballando en equipo.

Cascos???

No supermercado 2

A segunda quenda do obradoiro de supermercado: organizou e colocou produtos nas diferentes seccións, realizou cálculos, foi de compras, cobrou, pagou... e sobre todo, aprendeu moito divertíndose e colaborando.

Mr Magnolia

Hoxe no recreo Lucía, Dália, Rita, Noa, Ales, Nerea e Ezequiel representaron para nós Mr Magnolia de Quentin Blake.

Como nos gusta Quentin Blake! O libro é moi divertido e ten unhas ilustracións inconfundibles, que nos lembran a Loreto, Charlie, Matilda...  E cando un bo libro se converte nun conto dramatizado, éxito asegurado! Máis se contamos cun grupazo de artistas como as que vimos hoxe na biblio. 

Mirade, mirade! 

Mr Magnolia from Biblioteca Brea Segade on Vimeo.

Bravo!

Obradoiro Stop Motion 1

Aquí van as creacións finais do primeiro grupo de Stop Motion. Mirade que nivelazo!

IX Xornadas de Bibliotecas Escolares de Galicia

Esta fin de semana celebráronse as IX Xornadas de Bibliotecas Escolares de Galicia, organizadas pola Asesoría de Bibliotecas Escolares de Galicia e o CAFI (Centro Autonómico de Formación e Innovación). Como cada ano, estas xornadas son unha cita ineludible para o profesorado interesado e implicado no funcionamento das bibliotecas escolares. Con expertos referentes no traballo en bibliotecas, experiencias interesantísimas de bibliotecas galegos e do resto de España e espazos de encontro e diálogo entre compañeiros/as, as Xornadas constitúen unha oportunidade única de formación e intercambio para todos os que cremos firmemente no papel e no poder das bibliotecas para transformar e innovar no sistema educativo. 

Alí estivemos membros do equipo da BBS, aprendendo, compartindo ideas, renovando a ilusión e o compromiso e tendo sempre no noso horizonte unha biblioteca de calidade para o noso centro: a Biblioteca Brea Segade 😍

Parabéns á organización e grazas por estes espazos de formación, tan necesarios e tan valiosos. 

E mañá... en acción de novo, coas baterías a tope de carga! 😉

Mochilas Viaxeiras contra días de chuvia

Este xoves, contra vento e marea saíron as Mochilas Viaxeiras, unha fantástica alternativa a estas tardes de chuvia e vento que estamos a ter. Nelas van os Cadernos de Viaxe cun novo reto de Libriño, que saiu de expedición un día de sol. Onde estaría?

Boas lecturas quentiñas!

Libriño tamén viaxa

Este curso as Mochilas Viaxeiras teñen unha novidade importante. Despois de tantos anos vendo saír de viaxe ás Mochilas cada dúas semanas, Libriño pensou que el tamén quería coñecer mundo e marchou a percorrer as terras de Rianxo. Cada dúas semanas, nos Caderno de Viaxe das Mochilas aparecerá unha foto de Libriño nalgún lugar do noso municipio. O reto é descubrir onde estivo e, se tedes tempo, ir ata ese lugar e sacar unha foto, como Libriño. 

Esta foi a primeira foto que apareceu nos Cadernos de Viaxe:

E sí, en todos os Cadernos de Viaxe apareceu a resposta correcta: 

Libriño estivo no paseo marítimo, na laxe en homenaxe a Xosé Mª Brea Segade.  

Lois de 3º non só atinou coa resposta se non que foi a comprobalo. Aquí o tedes:

Ben feito, Lois!!!

Pouco a pouco iremos descubrindo lugares fermosos e representativos do noso municipio. Animádevos a descubrilos en familia tamén vós. Grazas a tod@s!

Nova quenda de axudantes

Semana a semana van iniciando o seu traballo de axudantes na BBS os diferentes grupos. Que sorte temos con eles/as! Son tantos e tan particitipativ@s! Clara, Ainara, Álex e Iker estreáronse esta semana coas Mochilas, selando, repoñendo aos andeis...

Magosto

Hoxe o tempo deunos unha tregua e puidemos celebrar o Magosto, ata vimos o sol!

O primeiro, despois da Hora de Ler, foi visita, en Campo Maneiro, a plantación de árbores autóctonas na que participaramos nen@s e mestr@s do colexio hai uns anos  o que hai pouco limparon veciños e veciñas do colectivo Fousas ao Monte.

Que gusto ver carballos e castiñeiros medrando fortes! Temos que seguir plantando e limpando o monte! Grazas, Fousas ao Monte!

No noso monte :-)

E despois... Magosto no cole! Xogos populares, deportes e castañas. Que ben o pasamos!