Minia, Candela, Carlota, Xoana e Valeria pecharon os contacontos do recreo do 2º trimestre cun conto ben acaido para o mes de marzo: Mes da Muller, da Poesía e do Teatro. Dramatizaron para nós O libro dos porcos de Anthony Browne. Sempre é un gusto escoitar esta historia tan necesaria, pero se ademais as contadoras actúan, xa é un luxo!
 |
| Bravo, contadoras! |
Aquí está o programa que Radio Voz emitiu o xoves 23 de marzo na súa programación de tarde. Foi elaborado polos axudantes da BBS de 5º e 6º, que se encargaron de transmitir "ao mundo" como é o CEP Brea Segade.
Parabéns, rapaces e rapazas! Moi bo traballo!
Este mércores tivemos unha nova sesión do programa Lectura e familias. Desta vez estivemos facendo radio, primeiro descubrindo a Radio BBS e despois gravando un podcast entre grandes e pequen@s.
Xa vimos que hai "madeira radiofónica" tamén entre as familias do Brea Segade. 😍 Estade atent@s á publicación do podcast!
Hoxe o noso patio encheuse de bicis. Tivemos a segunda sesión cos adestradores do Club Ciclista Padronés Cortizo, a máis agardada, a sesión práctica. Todo o cole puido practicar nun circuíto que montaron no patio e mellorar as habilidades coa bici. Temos toda a Semana Santa para practicar, a ver se non chove!
Grazas, Club Ciclista Padronés Cortizo!
Imparable Sintaxe! Moi orgullos@s e content@s de poder formar parte desta experiencia.
Parabéns a Emilio e a todo o equipo Sintaxe!
Onte retomamos as visitas do proxecto Máis ca leña. Foi un día importante, a aula de 5º realizou a súa primeira visita guiada, despois de meses de traballo sobre os diferentes espazos e recursos que podemos atopar no itinerario de Máis ca leña. Estreáronse co alumnado e profesorado do Obradoiro de Emprego en Xestión Forestal de Boiro.
Bravo, 5º! Fixéstelo de marabilla! Agora a continuar aprendendo sobre o noso monte para compartilo con máis visitantes que irán chegando a área de Máis ca leña.
Grazas ao Obradoiro de Emprego de Boiro polo seu interese no proxecto e polo apoio aos rapaces e rapazas do Brea Segade que guían as visitas.
Hoxe Xoana, Breixo, Sabela e Carlota foron os contadores do recreo. Escolleron Cada uno es como es de Jaume Copóns e Gusti, unha historia sobre unha pandilla moi especial na que tod@s son diferentes e tod@s son únicos. Moi boa escolla e moi bos contadores e contadoras. Bravo!
 |
| Moi ben! |
Este luns visitounos o escritor e ilustrador Anxo Fariña. Desta vez non veu falarnos da súa obra como xa fixera outros anos, se non que veu un desenvolver un obradoiro dos Contratos Programa: Inclúe-T, Emociona-T e Convive-T, que este ano se está a levar a cabo no noso cole. Coa súa Cidade Violeta falamos, debuxamos e coloreamos sobre a igualdade.
